නොඑන ගමන් ගිය .."මගෙ තාත්තී"

ඔබ නැතිව වැටෙන
කදුලක රැදිලා 
සිහිනෙන් වාගේ 
ලග විත් මාගෙ 
 උන්නා දැනුනා..

හිස මාගෙ අතගා
දෙඅතින් අල්ලා
සෙවනැල්ල වාගේ
ලග විත් මාගෙ 
උන්නා දැනුනා..

අති නත් ගෙන මා
යන දාක ඔහු හා
පෙර උන්නා වගේ
ලග විත් මාගේ
ඉන්නකෝ .............................. " තාත්තී "

"I wait for the day..
i will be with you again
when the gates of heaven
open up to me and  i see you
standing there 
smiling at me,
miss you so much dad...."

ඉතිං අපි හිනාවෙමු..

෴෴මං ඔයාව දැක්කෙත් නෑ
ඔයා මාව දැක්කෙත් නෑ
ඒත් අපේ හිත් බැදුනා
අදටත් පුදුමයි
ඔච්චර ඈතක ඉන්න ඔයා
කාටත් වඩා ලගින් දැනෙනවා
ඔව්... ඔයා මගේ හදවතේ ඉන්නවා
කවදාවත් මැකෙන්නෙ නැති මතකයක
ඔයා සදාදරණියයි,
මේ සයිබර් අවකාශය නොතිබුනා නම් ..
එහෙනම් අපි හමුනොවේවිද
නෑ.. ඒත් අපි හමුවෙන්න තිබ්බා
මේ ලෝකෙ කොහෙදිම හරි තැනකදි,,,
දැන්නම් අහිමිවීමක බියක් අහලකවත් නෑ
වින්ද දුක් කන්ද ඇති දැන්
මේ කදුලු තවත් බර වැඩි..
වසන්තය ලගටම ඇවිත්
ගිම්හානෙ අවසානයයි මේ
ඉතිං අපි තුරුලු වෙමු
ආයෙමත්..
එක්වෙලා අඩන්න නෙමෙ
හිනාවෙන්න
ඔව්..
හිනාවෙන්න විතරක්ම..෴෴෴

නිදි නැති රැය පහන් වෙන්න

෴ඔයත් එක්ක ලගින් ඉන්න
ජීවිත කාලෙම ගෙවන්න
මේ කෙල්ලට ඇවිත් ඉන්න
ඔය පපු තුරුලේ ඉඩක් දෙන්න....

හැබැහින් බැරිනම් තාම ඉන්න
හීනෙන්වත් ඇවිත් යන්න
නිදි නැති රැය පහන් වෙන්න
නලලත් මගෙ ඉඹලා යන්න....෴

ඔය දෑසින් මා දෙස බැලුවාම

෴ඔය දෑසින් මා දෙස බැලුවාම
වාවගන්න බැරි සෙනෙහක් දැනුනාය
පුංචි කදුලක් නෙතගින් වැටුනාට
සිනා පොකුරක් දෙතොලග රැදුනාය....
                                        කප්පරක්සෙනග යන එන මග සිටියාට
                                        ඔබෙ වන් රුවක් දුටුවේ නෑ තවම
                                        ආත්ම ගානක් තව ගෙවුනාට
                                        ඔබේ රුවමයි සිතෙ ඇදුනෙ හැමදාම.....
                                                                      දෑතින් දෑත පටලා මග වැටුනාම
                                                                        ඔබට ලංවෙලාම ඉන්නට සිත කීවාය
                                                                         රන්හූයෙන් බැද අතැගිලි එකවන දිනක
                                                                          ඔබගේම පතිනිය වී ඉන්නවා ලග හැමදාම....෴

සදාතනික පෙම

෴ශතවර්ෂයක් ගියත් තව
දූවිලි වෙලා අපේ ගත
මියැදුනත් අපේ සිත
සදා අමරණියයි අපේ පෙම.....
එකව ජීවත් වෙන්න බැරි වී
හුස්ම ටික අපේ සුලගේ පාවී
නිසල උනත් ගත ලොවෙන් වෙන්වී
ආතමය අපේ වෙන් නෝවේවී..........෴

ඔබ ඇවිත් ගිහින්

෴ඔය නෙත් මට කියපු කතාවේ
අඩුවක් නෑ දුටුවේ ඒ දිනේ
ඔබටම හිත දුන්නු නිසාවෙ
අඩනවා හිත රෑ තුන් යමේ....
          වෙරල සිඹින මුහුදු රළ වගේ
          ඔබ ඇවිත් ගියා පුදුමයක් සිතේ
          සිහිනෙන් විදි සුවදක් වගේ
          දැනෙනවා තවමත් සුවද ඔබ ලයේ...෴

සමිදෙ

෴උදුවප් සීතල සුලග
සියොලග සිඹිනා විටෙක
සාමයෙ සමගියෙ මිහිර
හදවත පුබුදයි සබද..
දුදනන් සුදනන් කරන
ආදරයක මහිම
පෙන්වා ලෝකයට
දෙව්කුමරුණි ඔබ පැමිණ
පෙන්වා දුන්නා දිනක....
ධනයට බලයට ගැතිව
මිනිසුන් නොමිනිසුන් කරන
මේ යනෙනා ගමන
නවතාලන්නට සමිද
හදවතෙ ගැඹුරුම තැනක
නැවතත් ඔබ වඩිනු මැන.......... ෴

ඉන්නව නම් සදා ලගින්

෴නෙතින් මගේ දෙසම බලා
සෙමින් සෙමින් කථා කලා
ආදරයෙන් සිත සනසා
ජීවිතයට ඔබ ආවා...
              මල් යායක් පිපී ගොසින්
              සිත් යායම පිරී පෙමින්
              කුමරුවනේ ඔයා ඇවිත්
              වසන්තයක් උදා කරන්..
                         සිහිනයකින් වගේ ඇවිත්
                          දේදුන්නක් ඇදී ගොසින්
                           රත්තරනේ ඔයා ඉතින්
                            ඉන්නවනම් සදා ලගින්....... ෴

නොනිමෙන සුසුමකි

෴සැරිසරා නික්මී
කදුලක් වී
ඉපදී...
පිපෙනා මුදු දෙකපුල්
මත්තේ,
නොනිමෙන සුසුමකි
පපු තුරුලත
ඔබ සැගවී.......෴

මා දුර නිසා

෴රෑ අහස එලිකෙරුව සදකැන් දරා
සිත් අහසේ රජ කරමු සෙනෙහස දරා
හිමිකාරි වෙන්න ඔය දෙඅතේ  පැටලී මෙදා
හිතුවාට කම් නැද්ද මා දුර නිසා....
      එතී එතී දැවටෙන්න සිත් සේ සදා
      හිමිනැද්ද මට ඉන්න සිත සනසලා..
ඒ දකින මල් සිහින හංගා තබා
නිදි නැතුව සිත මාගෙ ඉකිබිදින නිසා
නෙත් ගාව සිහිනෙන් ලගවිත් ඔයා
පවසන්න මගෙ මැණික නිදියන්න කියා ...෴

දියණි මා ඔබේ

෴දියණිය වී මා ඔබගේ
තුරුලේ සෙනෙහෙන් නැලවූනේ
අම්මේ ඔබ මාගෙ
ලෝකයෙ සදු වූයේ...
        දසමසක් මා කුස දැරුවේ
       තුරුලට ගෙන රැක්කේ
       තාමත් නෑ  මා බිම තිබ්බෙ
       ඔබ උකුලත සුව යහනක් තැනුනේ...
              ලෝකය හෙට ජයගන්නේ
              ඔබෙ දෝණි හිනැහෙන්නෙ
              කිසිදින නෑ තනිවෙන්නෙ
              සුදු අම්මා  මගෙ ලග ඉන්නෙ....෴

පියාණනි

෴සෙනෙහස අප ලෝකයට
නොඅඩුවම ලැබුනි උල්පතක් ලෙස
ජීවිතයම අප එකලු කල
ඔබයි හිරු අප ලෝකයට......
පහන් තරුව විය යනෙන මග
රන් වැටක් විය අප සුරැකි කර
නොදන්නා ලෝකයට
මගපෙන්වා අප පුබුදු කල...
පියාණනි මතු සංසාරේ දිනෙක
බුදු වෙන්න නම් එපා ඔබ
උපදිමි  මතු බවයෙත් මම
ඔබෙ දියණීය වී ආයෙම......෴‍‍

ආයෙමත්

෴දිනිදු නැග ඇවිත්
සිතිජයේ සැගව
යයි යලිත්
කෙනෙකු හමුවී හදින්
වෙන්වි යාවි සොවින්....
ඉතිරිකර මතකයන්
කදුළු මල් ලෙසින්
නැවත නැවතත් ඇවිත්
පෙලාවි සිත ආයෙමත්........෴

සද ඈතයි

෴ඈත දිලිහෙන
       සද මත්තේ
සෙනෙහස 
       පිදුවේ රහසේ
සුසුමන් හෙලුවෙමි
         රෑ සයනේ
සද ඈතයි
         මම පොලවේ ...෴